Notitia werpitionis terrarum quas Gausfredus et mater ejus dederant monasterio Cluniacensi ab Aidoardo et uxore ejus Joza factæ.
Notitia vuerpitionis acta Cluniaco monasterio ante presentiam domni Viviani, ejusdem loci prepositi, et aliorum, scilicet Hildini atque Stephani. Proclamaverunt enim se monachi de quodam vasso, nomine Aidoardo et uxore sua Joza, qui res eorum sibi injuste vindicabant. Ipsi autem recognoscentes delictum suum, omnia reddiderunt Sancto Petro, de quibus eos interpellabant, scilicet de his rebus quas Gaufredus et mater sua dederant Sancto Petro; atque videntibus cunctis, palam hanc notitiam fecerunt. S. Aidoardi et uxoris ejus Joze, qui fieri et firmare rogaverunt. S. Hugonis. S. Gimonis. S. Gaufredi. S. Hildini. S. Stephani. S. Drogonis. S. Wiberti.